_edited_pn.png)
ട്രാഫിക് നിയമലംഘനങ്ങള്‍ കുറയ്ക്കുന്നതിന് വേണ്ടിയാണ് ഇത്തരം സംഭവങ്ങള്‍ കൊണ്ടുവരുന്നതെന്ന് അധികൃതർ അറിയിച്ചു. ശിക്ഷയും പിഴയും വര്‍ധിപ്പിക്കുന്നത് വാഹനം ഓടിക്കുന്നവർക്ക് ഇടയിൽ വലിയ ശ്രദ്ധയുണ്ടായിരിക്കും. മാറ്റങ്ങളുമായി പുതിയ ട്രാഫിക് നിയമം അതിന് വേണ്ടിയാണ് തയ്യാറാക്കിയിരിക്കുന്നതെന്ന് അധകൃതർ അറിയിച്ചു
കുവൈറ്റ് സിറ്റി: കുവൈറ്റില്‍ ട്രാഫിക് നിയമ ലംഘനങ്ങള്‍ക്കുള്ള പിഴ പല മടങ്ങ് വര്‍ധിക്കും. രാജ്യത്തെ റോഡ് സുരക്ഷ ശക്തിപ്പെടുത്തുകയെന്ന ലക്ഷ്യത്തോടെ തയ്യാറാക്കുന്ന പുതിയ ട്രാഫിക് നിയമത്തിന്റെ ഭാഗമായാണിത്. പുതിയ നിയംഭേദഗതി അന്തിമഘട്ടത്തിലാണെന്ന് ആഭ്യന്തര മന്ത്രാലയത്തിലെ സെക്യൂരിറ്റി മീഡിയ ഡിപ്പാര്‍ട്ട്മെന്റ് ഡയറക്ടര്‍ ബ്രിഗേഡിയര്‍ നാസര്‍ ബൗസ്ലീബ് അറിയിച്ചു.
ട്രാഫിക് സിഗ്നലുകളിലെ റെഡ് ലൈറ്റ് ക്രോസ് ചെയ്യുന്നത് പോലുള്ള കുറ്റകൃത്യങ്ങള്‍ക്കുള്ള പിഴകള്‍ പല മടങ്ങായി വര്‍ധിക്കുമെന്നും അദ്ദേഹം പറഞ്ഞു. നിലവില്‍ 50 ദിനാറാണ് റെഡ് സിഗ്നല്‍ ലംഘിച്ച് വാഹനം ഓടിച്ചാലുള്ള പിഴ. എന്നാല്‍ പുതിയ നിയമത്തില്‍ അത് 150 ദിനാറായി ഉയര്‍ത്തും. കൂടാതെ, അശ്രദ്ധമായി വാഹനം ഓടിച്ചാലുള്ള പിഴ നിലവിലെ 30 ദിനാറില്‍ നിന്ന് 150 ദിനാറായി വര്‍ദ്ധിക്കും. ഇത്തരം കേസുകളില്‍ വാഹനം കണ്ടുകെട്ടുന്നത് ഉള്‍പ്പെടെയുള്ള ശിക്ഷാ നടപടികളും ഉള്‍ക്കൊള്ളുന്നതായിരിക്കും പുതിയ നിയമമെന്നും അദ്ദേഹം അറിയിച്ചു. ഒരു വാര്‍ത്താ ചാനലിന് നല്‍കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
കുവൈറ്റില്‍ നിലവിലുള്ള ട്രാഫിക് നിയമത്തിന് ഏകദേശം 30 വര്‍ഷം പഴക്കമുണ്ട്. അതുകൊണ്ടു തന്നെ ഇതിലെ വ്യവസ്ഥകള്‍ കാലാനുസൃതമായി പരിഷ്‌ക്കരിക്കുകയെന്ന ലക്ഷ്യത്തോടെയാണ് പുതിയ നിയമത്തിന് രൂപം നല്‍കുന്നതെന്നും ബ്രിഗേഡിയര്‍ ബൗസ്ലീബ് പറഞ്ഞു. ചില രാജ്യങ്ങളിലേതിന് സമാനമായി ട്രാഫിക് നിയമലംഘനങ്ങള്‍ക്ക് വാഹനങ്ങള്‍ അവരവരുടെ വീട്ടില്‍ തന്നെ കണ്ടുകെട്ടുന്ന രീതി രാജ്യത്ത് നടപ്പിലാക്കുന്തനിനെ കുറിച്ച് ആലോചനയുണ്ടെന്നും അദ്ദേഹം അറിയിച്ചു. പുതിയ പോയിന്റ് സമ്പ്രദായം ഏര്‍പ്പെടുത്തുന്നതിന്റെ ഭാഗമായാണിത്. നിയമ ലംഘനങ്ങള്‍ ആവര്‍ത്തിക്കുന്ന വാഹനങ്ങളെയാണ് ഈ രീതിയില്‍ ഹോം- ഇംപൗണ്ട്‌മെന്റിന് വിധേയമാക്കുക. ലംഘനങ്ങള്‍ ആവര്‍ത്തിക്കുന്ന മുറയ്ക്ക് പോയിന്റുകള്‍ കുറഞ്ഞു വരികയും അവ തീരുന്ന മുറയ്ക്ക് വാഹനങ്ങള്‍ ഉപയോഗിക്കാന്‍ അനുവദിക്കാതിരിക്കുകയും ചെയ്യുന്ന സംവിധാനമാണിത്.
ഇത്തരം സന്ദര്‍ഭങ്ങളില്‍ വാഹനത്തിന്റെ പെര്‍മിറ്റ്, ഡ്രൈവറുടെ ലൈസന്‍സ് എന്നിവ പുതുക്കുന്നതിനുള്ള നടപടിക്രമങ്ങള്‍ക്ക് വീണ്ടും വിധേയമാവണമെന്നും അദ്ദേഹം വിശദീകരിച്ചു. കഴിഞ്ഞ വര്‍ഷം ട്രാഫിക് അപകടങ്ങളില്‍ 300 ഓളം പേരാണ് രാജ്യത്ത് മരണപ്പെട്ടത്. ഇവരില്‍ ഭൂരിഭാഗവും യുവാക്കളാണ്. ഇത്തരം സംഭവങ്ങള്‍ കുറയ്ക്കുകയെന്ന ലക്ഷ്യത്തോടെയാണ് ട്രാഫിക് നിയമലംഘനങ്ങള്‍ക്കുള്ള ശിക്ഷയും പിഴയും വര്‍ധിപ്പിക്കുന്നത് ഉള്‍പ്പെടെയുള്ള മാറ്റങ്ങളുമായി പുതിയ ട്രാഫിക് നിയമം തയ്യാറാക്കുന്നതെന്നും അദ്ദേഹം അറിയിച്ചു.
Comments